促年輕人拓展視野
波叔最新網誌提及，早前聯同百多人出席內地與香港建築論壇時見到唔少年輕新面孔，又提及近年香港有部分人對於上一代所指嘅「獅子山下精神」嗤之以鼻，認為上一代人嘅成功，主要係靠因緣際會，而今時今日再單純鼓勵年輕人奮發，只係無視依家社會發展機會不公平嘅問題。
波叔強調，唔應該把問題過分簡化，把唔同年代嘅香港人二元對立起來，其後又隔空回應本土派嘅「換血論」，指現今競爭全球化，世界各地人才都係高度流動，香港一直以嚟對世界各地人才保持開放，呢個亦係香港多年來賴以成功嘅因素之一。佢建議，本港年輕人更應該拓闊視野，尋求最適合自己嘅發展空間。