政情：今日你上鏡：黃士心「衣錦還香」影靚相

康泰旅行社董事長黃士心早前獲勳大馬拿督，佢一向主意多多又幽默，尋日就特意帶埋佢一套新訂製嘅拿督套裝返公司影相，一班員工得知之後，聞風而至排住隊同佢合照，影完團體相仲再逐個單人影，好搞笑。我哋見黃士心副眼鏡同平日戴嘅唔同，原來佢呢副黑框眼鏡係特別為咗襯番套拿督套裝而新配嘅。有「旅遊教父」之稱嘅黃士心多年前已開始出書及推動馬來西亞旅遊，現時每年都有過萬名中港遊客到檳城等城市觀光。