中環出更：搞事四人幫密會又攪局？
有「搞事四人幫」之稱嘅壹傳媒集團前主席黎智英（肥佬黎）等人又再密會！外號「李漢奸」嘅民主黨（白鴿黨）創黨主席李柱銘、天主教香港教區前主教陳日君，以及久未出席「搞事四人幫」聚會嘅「民主阿婆」前政務司司長陳方安生，尋晚就前後腳去到肥佬黎位於何文田嘅大宅。咁人齊，唔知佢哋係開派對，定係又再密謀攪局想搞亂香港呢？
尋晚約七時，李漢奸夫婦、民主阿婆及陳日君陸續抵達肥佬黎寓所。最早到的是坐肥佬黎座駕的陳日君，隔咗冇耐，李漢奸兩公婆就自行駕車到達；至於民主阿婆就最遲到。而同民主阿婆一齊坐肥佬黎座駕到達的，還有曾被傳媒報道收取過肥佬黎捐款、疑似劉勝義神父的外籍男子。眾人逗留大約兩小時後就齊齊離開。
最近正值港大校委會及主席人選風波，嚟緊又到區議會選舉，搞事四人幫依家聚頭，係咪討論有關議題、甚至部署行動呢？日前有白鴿黨黨員去信黨中常委，要求唔好同肥佬黎、陳日君及民主阿婆搞得過熱，以及不希望佢哋插手黨事務。估唔到話口未完，搞事四人幫又見面，睇嚟真係啲白鴿發噏瘋，唔知又敢唔敢提出踢李漢奸出黨？
卓妮