隨着時代變遷，不少新興行業湧現，惟部分裝置或活動，原來受法例監管，創業者可能在不知情下誤墮法網。偉倫牌照顧問公司牌照顧問趙小姐表示：「一般人其實冇咩意識去申請牌照，你入紙問政府當局，通常都係得啲官方回答，未必答到你想開辦嘅game要唔要拎牌；加上新興娛樂唔似食肆咁主流，搞呢類型嘅牌照時間同程序，等於我哋做兩個食牌，好多牌照顧問公司都唔幫人做。」
趙稱，本港大部分的牌照申請只是與飲食有關，而所謂娛樂場所的定義廣泛，一般人不懂得去尋找有關申請該類型牌照的諮詢或支援，變相對申請牌照一竅不通，令無牌的新興娛樂場所湧現。
她指，申請與娛樂場所有關的牌照，保守估計需時一年，即使臨時牌照亦要等待兩至三個月，部分場所負責人會未領牌便先營業，「呢啲場牽涉唔同政府部門，好似消防、機電，仲要睇埋地契，批晒所有文件，仲要現場驗收，確保安全合格先發個牌畀你。」