娛樂界紛猜「字母女星」身份
【本報訊】「太陽花學運女神」劉喬安跨境中介賣淫名冊震驚中港台娛樂界，各界紛猜測「字母女星」及買春客的身份。本港女星、名媛近日亦就事件表達意見。近年走性感路線的袁嘉敏表示「我專心做藝人，唔正當、唔正經嘅嘢唔接，全部人搵我都冇覆，有人叫我食飯、飲嘢，唔同要求」，並坦言曾有人開出七位數與她一會。此外，她亦對賣淫事件中的女星名冊表示驚訝，但稱「我唔怕，我發誓（如果有做）就畀恐怖分子凌遲處死、虐待」。
藝人謝婷婷表示「有聽過飯局，朋友冇講係咩人」，更稱從來沒有人找她接不道德生意，同時笑指「（淫媒）見到我老竇『拳手』咁勁，真係會黐埋牆」。
馬詩慧笑言「有冇我名」
名模馬詩慧則笑言，「有冇我名？我想知自己叫咩價」，亦時有聽聞娛樂圈的淫媒傳聞，且每人都很好奇女星的真正身份。被記者問及身價時，馬詩慧則笑稱自己是「無價、天價」。
李嘉欣：從來無被人問價
「大美人」李嘉欣指，自己沒有興趣、時間去猜測女星真正身份。她表示「自古至今成日都有呢啲新聞」，而自己已為賢妻良母，沒有人打主意，同時憶述當年選完港姐後，「無綫睇得好緊，有人追求自己，不過係正路追求，唔係咁黑暗」，亦從來沒有被人問價。