踏入十一月，今年只餘下兩個月就結束，又係時間盤點預測明年各方面走勢運程。著名堪輿學家蔡伯勵尋日出席一個活動時話，明年係靜觀其變嘅一年，平平常常，或會出現幾個問題。佢又以立春時辰為界，直指明年破日喺立春後，對香港影響較大，預測香港嘅發展喺後年，明年則可以靜中求變。撞啱明年有多場選舉舉行，莫非泛政治化都在所難免，港人如要專心一意謀求經濟發展，就要耐心等到二○一七年？
