政情：陳維安憶土木工程夢
每年夏季酷熱難當，戶外工作要好捱得先受得住，但原來外表斯文嘅立法會秘書長陳維安（Kenneth）都好捱得，皆因佢曾經喺地盤做過兩個月暑期實習，認真失覺！
Kenneth受從事土木工程嘅爸爸影響，所以當年夢想係做土木工程師去修橋築路。佢透露，大學一年級暑假實習，曾喺牙鷹洲參與青衣填海工程，佢仲話當時唔覺得好熱，笑稱可能全球暖化所以依家嘅夏天先咁熱喎！
雖然Kenneth做過相關嘅實習，但最後都放棄呢個夢，因為佢發現土木工程冇大嘅科技進展，好似落石屎幾十年都一樣，所以後來轉去研究火箭發射同個人電腦。
Kenneth畢業之後再「轉行」將知識應用到金融分析，到今日又投身官場，轉變甚大。