中環：窄路違泊 塞車阻時間
「上中半山啲路本身就已經好窄，好多時都係勉勉強強夠過，但啲人仲要當條路係停車場，邊度方便就泊邊度，搞到後面成日都一條車龍！」江先生指，所乘巴士駛經中環擺花街時經常被違泊車輛阻擋，以致交通時間延長，「覺得好似自己嘅私人時間畀人偷咗咁，有時仲會塞到好忟。」
警稱不定時疏導及檢控
警方發言人證實，過去一年曾接獲五百七十九宗相關投訴，並共發出一千五百五十九張定額罰款告票。發言人續指，一直留意該處路況，除派員處理投訴外，亦會不定時疏導交通及作出檢控。
江先生認為告票數字龐大，反映問題嚴重，促請警方日後嚴加執法，確保道路暢通無阻，免市民生活再受滋擾，「違例泊車可能唔係咩嚴重罪行，但喺中西區搭過巴士嘅話，就知道每日有幾多時間係因為咁而嘥咗。」