公共醫療醫生協會因為不滿醫院管理局未有按公務員薪酬水平調查調高醫生工資，尋日就發起靜坐抗議。醫管局前主席胡定旭同日上電台話醫生要求加人工好合理，認為公立醫生人工低過私人市場，仲建議醫管局透過內部調配資源，增加醫生人工添！不過，古語有云：「不在其位、不謀其政」，胡定旭退任醫管局主席兩年，相信醫管局內部情況已經好唔同，況且佢在任時亦發生過類似嘅工潮，最後仲發動上街遊行添，所以話呢，唔係做得好過人就唔好講風涼話喇！
