香港電台有兩個騎呢節目叫做《香港家書》同《給香港的信》，專畀不同社會人士扮晒寫信畀啲家人或朋友，從而表達自己對某啲議題嘅意見。法律界立法會議員郭榮鏗尋日就喺節目中寫信畀「佐治五世郵筒」，透過郵政署計劃取締舊郵筒上面嘅殖民地標誌，批評「政治正確」正逐漸取代香港，信中仲提及「佐治五世郵筒」個朋友「伊利沙伯二世郵筒」，但係就唔知點解漏咗「佐治六世郵筒」。「戀殖」發展到變「戀物」，香港人真係得意！
