海輝道小巴站淪停車場

「以前呢度都係小巴總站，但自從起咗個新嘅交匯處，小巴線啲總站搬晒入去，呢邊個小巴站就一直都近乎空置，間中先有一、兩架小巴駛埋嚟，去到夜晚啲私家車就會喺度亂咁泊！」一直居於大角咀的楊先生指出，近海輝道有一舊小巴總站多年來幾近停用，認為運輸署未有善用該處。「仲會經呢度嗰兩架小巴平時上落客淨係會停喺馬路邊，平時啲人上車落車都係好天曬，落雨淋。我就唔明，點解幾年前起咗個站，有埋上蓋喺度，但因為有個新站，舊嗰個就好似完全冇用，就咁擺咗喺度？」楊質疑該署未能「地盡其用」，有浪費資源之嫌。

記者曾多次到場了解，期間各輛小巴停站時只停於馬路旁石壆，並未駛進該小巴站設置上蓋的範圍；下午時分有展示「暫停載客」及「滿座」牌的小巴停泊於該處，小巴司機於車內休息至特定時間才駛離上址，休息期間未有熄匙。而晚上則有約四、五輛私家車於該處違例停泊，令該站猶如「免費停車場」。

海輝道小巴站幾近空置，被指未有「地盡其用」。	現時乘客落車後需走一段路才能到達上蓋範圍，如遇惡劣天氣則甚為狼狽。	楊先生多年來居於大角咀，指現時小巴只於路邊上落客，乘客飽受「好天曬，落雨淋」。

運署：正研究改用途可行性

運輸署發言人表示，該站於一九九九年起用作三條小巴線的總站，為配合附近一帶屋苑入伙，有關路線的總站於二○○八年遷往維港灣公共運輸交匯處內，上址停車彎則保留作其中兩條小巴線的中途站。發言人指，署方正研究將部分停車彎改作其他用途的可行性，亦已將有關車輛違泊的投訴轉介警方跟進。

發言人補充指，因該處是以項目形式委託港鐵興建，因此並無有關以上停車彎連上蓋實際興建費用的資料。

議員倡供旅巴或校巴上落

立法會交通事務委員會委員郭家麒質疑，運輸署當初規劃未臻完善，令上址出現有關問題，「以前考慮得未夠周詳，冇預計到喺鄰近地方又起多一個交匯處，係會令到舊有嘅總站失去原有功能！」郭又指，交通交匯處「一地難求」，促該署善用小巴站，「畢竟喺市區可以用作交通上落嘅地方唔多，而且仲起埋上蓋，唔應該就咁擺喺度。」郭認為運輸署應督促相關小巴避免在路邊上落客，亦建議可將該站改作其他用途，例如供旅遊巴士或學童校巴上落，甚至是針對居民需要加開新巴士、小巴路線駛經該處，發揮實際價值。

記者：呂諾君