公民講場：無知郭家麒 舊法當新技

立法會財務委員會尋日再次開始討論成立創新及科技局，議員有唔同意見好正常，但議員郭家麒就將創新科技同之前香港電視網絡申請免費電視牌照扯上關係，話港視申請牌照失敗，質疑政府係咪真心支持創新科技喎。眾所周知，免費電視即係地面電視，利用大氣電波收發電視信號，已經係唔知幾多年前嘅技術，即使係透過電視機頂盒接收，亦唔係咩新科技。可能郭家麒唔係好清楚，所以覺得香港唔一定要成立創科局，認為好似美國咁靠業界同政府顧問就得喇。