零售市道慘淡，唔少店舖都拍晒烏蠅，雖然商務及經濟發展局局長蘇錦樑話，十‧一長假期間訪港內地遊客數字上升，但好多商家都話感受唔到，中華廠商聯合會副會長兼展覽服務公司顧問吳永嘉（Jimmy）亦唔例外。Jimmy話訪港遊客跌咗好多，尤其係高消費遊客明顯少咗，但相信對年底舉行嘅工展會影響不大，事關工展會以價廉物美著稱，參展商又會提供折扣，自然唔擔心喎！
