政情：領導人外訪被指派錢應獲諾貝爾扶貧獎
國家主席習近平繼早前訪美，下周又會應英女王邀請到英國進行國事訪問，英國將以高規格接待，因而被形容是開啟中英關係嘅「黃金時代」。稱得上做「黃金」，事實今次確是一次「派錢」之旅，會達成多個經濟項目，適逢歐洲各國經濟不景，領導人去到英國就如財神爺派錢扶貧，如果諾貝爾有扶貧獎，應該頒給領導人。
今次領導人訪英，中英雙方預計會討論多個經貿合作項目，包括有指英國正尋求中國投資總值一百一十八億英鎊的英格蘭HS2高速鐵路，亦有指會提到在倫敦發行人民幣債券，獲得高規格招待，真係不難理解。
外訪投資數以百億計
其實中國人近年全球派錢，早前外訪亦簽署多項協議，包括四月在巴基斯坦以推動「中巴經濟走廊」為目標，簽署四百六十億美元合作協議，其後加碼出口核反應堆，涉及一百五十億美元；五月訪問俄羅斯時，中俄簽訂投資一百九十七億美元建莫斯科喀山高鐵；九月出訪美國時，中國落實向波音訂購三百架飛機，總值三百八十億美元，又在聯合國宣布以百多億支持落後國家及成立和平發展基金等，到處大灑金錢，真係多到數都數唔晒，所以去到邊都大受歡迎。
目標每月減貧百萬人
中國自認係發展中國家，自詡永不稱霸，但經濟崛起係不爭事實，領導人仍去到邊、派到邊，幾乎去勻晒全世界扶貧，如果諾貝爾有扶貧獎，一定非他莫屬！不過，中國都自身難保，皆因面對七千萬貧窮人口，還稱要打算到二○二○年全部脫貧，即是每年要減貧約一千一百多萬人，平均每個月要減貧一百萬人，扶貧金額可謂天文數字，如此看來，國家有錢真是要慳住使，國家領導人勿當自己真是財神爺向外國亂派錢，否則國家只會愈扶愈貧。