中環出更：仲偕失內副乃光送內褲
立法會內竟然有一對隱形「HeHe」（男同性戀者）？民主黨（白鴿黨）單仲偕（騸雞）尋日大爆，資訊科技界議員莫乃光（Charles）早前竟然送了一條名牌內褲給他，但內衣褲呢啲貼身衣物一般都只會送給親密伴侶，兩人的舉動不禁惹人遐想。不過，實情係Charles有先見之明，一早預了(先刂)雞選不到內務委員會副主席（內副），所以就一早買定條名牌「內褲」準備送畀騸雞，當係安慰獎喎。
Charles話，條名牌內褲要成三百幾元，是他平日着的內褲價錢十倍，因為一早預了騸雞無得做「內副」，所以上星期已經預早叫同事買定。嘩，內褲都要同事買，唔係嘛？收到禮物的騸雞就心情大好，仲大爆自己的尺碼，但咪諗歪隔籬，他講緊自己腰圍三十二吋咋！不過，騸雞話Charles買貴咗，他平日在特賣場買，只是六折價錢。
騸雞要同老婆備案收禮
至於今次可能被人誤會兩人是「HeHe」關係，騸雞話一早同老婆講咗Charles會送內褲畀自己，雖然老婆反應冷淡，但就不怕老婆唔鍾意喇。騸雞暫時將內褲放在立法會辦公室，為表誠意，星期五會試着，到底Charles送的內褲是否特別好着，他說屆時會告知大家喎！
卓妮