探射燈：冇錢冇環保塑膠回收商排隊執笠

無廠肯要 回收價跌

「我哋蝕住做，呢大半年塑膠（回收）價錢跌得好勁，以前一公斤賺到五毫，依家只有三毫，但計埋啲車費、人工根本就維唔到皮，我哋收膠真係純粹回收，而唔係做生意！」從事環保回收車隊的麥先生表示，近半年因回收廢膠料的成本大增，令生意難做，近月已改轉收價值較高的廢紙及金屬，以達拉上補下之效，「最慘係我哋收咗（廢）膠返來，但冇回收廠肯要，結果愈堆愈多，有時寧願低價賣畀廠，根本冇利可圖。」

麥坦言，業界差不多全面停收塑膠，「成本高又賣唔出價，好多行家寧願唔做都唔好蝕，好多屋苑已經冇人去收廢膠，清潔工只有當垃圾處理。」麥稱，政府多年來漠視前線回收公司需要，對回收廢膠責無旁貸。

麥先生表示近半年因回收廢膠料的成本大增，令生意難做。	李慶德坦言，目前僅會按合約份額回收廢膠。	劉耀成表示，近年環球經濟波動，令回收物價格大跌，預料最快要明年才會回復正常。

於環保園經營塑膠廢料回收廠多年的李慶德亦言，目前只會按合約份額回收，「但做夠合約個額就算，唔會另外（向前線回收車隊）收多啲廢膠來處理。」他指，過去數年相繼有不少本地塑膠回收廠結業，現時剩餘運作的不足十間，根本無法處理所有前線回收車回收的塑膠廢料。

將軍澳有屋苑「有膠冇人收」，要由清潔工人自行處理。	本港過去五年塑膠的回收數量	市民心聲 錢先生：「都知道最近回收業發展唔太好，我覺得政府應該畀多啲錢去支持本地環保回收政策，幫吓佢哋！」

屋苑回收幾陷停頓

業界停止回收廢膠，廢膠物料何去何從？記者日前視察多個屋苑，其中位於將軍澳的居屋屋苑，設置了多個三色回收箱，收集了不少塑膠廢料。記者以屋苑居民身份向清潔工人查詢，發現原來該屋苑並沒有回收商負責處理回收廢料，「不嬲都冇回收商來收！」清潔工人更帶記者到垃圾房，該處擺放多袋的回收廢料，當中以塑膠廢料為主，約四、五十個膠樽，當記者查問如何處理廢膠時，該清潔工表示：「我哋通常拎去賣嘅，但呢排賣唔到太多，冇咩人要，如果你哋要嘅就拎走啦！」對於屋苑回收廢物由清潔工人處理，該屋苑居民林小姐大感驚訝，「我唔知原來冇人收，都擔心唔知會拎去邊度處理。」

業界紛責施政失當

回收業陷入寒冬，業界直指政府施政失當，即使環境局近日推出了十億元的回收基金，業界普遍認為成效不大，未能對症下藥。「業界捱咗咁耐，但佢推個基金出來根本幫唔到我哋！」香港環保回收業總商會主席羅耀荃批評，回收基金對於一眾前線回收人員並沒有實際幫助，「依家最需要嘅係一眾中小型回收商，但基金要佢哋去買機器、換車，但佢哋都有呢啲設備，即使換咗，膠價咁低咪又係蝕，咁有咩用？」羅建議政府應推出平衡基金，「應該喺廢料價格低於正常市價時，畀運輸津貼幫補業界。」

「終於叫向前行咗一步，希望基金真係會回應我哋需要。」香港環保廢料再造業總會主席劉耀成指出，多年來政府對於回收業缺乏長遠規劃，對於剛推出的回收基金能否幫助業界走過低潮，仍然是未知之數。

文：紀靜雯

圖：吳康琦、甘偉倫