政情：公民講場：鉛水助延壽 星爺堅定流？

立法會內務委員會尋日召開特別會議討論鉛水事件，期間金融界議員吳亮星（星爺）再爆金句，詢問政府會否進行研究，睇吓香港人均壽命不斷延長，係咪同飲咗含鉛量適中嘅水有關。食物及衞生局局長高永文就忍住笑咁話，醫學上暫時無文獻或數據顯示鉛對身體有益。會後另一議員劉慧卿就當面寸爆星爺，話如果鉛水真係延年益壽，就要飲多啲喇，點知星爺竟然答佢日日都飲！星爺現年六十六歲，睇落仲好健壯，如果為撐政府要飲鉛水去到咁盡，真係戥佢有啲擔心。