廉政公署同律政司查咗接近三年零八個月，尋日終於落案起訴前特首曾蔭權爵士。至於佢任內嘅愛將、同樣被揭連串貪腐醜聞嘅「貪湯」前廉政專員湯顯明，廉署由一三年四月立案調查至今，唔經唔覺亦已過咗近兩年半，但仍未見有任何人被拘捕或檢控。唔通廉署同律政司想一視同仁，要再拖多一年零兩個月先就貪湯案作出決定？
