中環出更：做港鐵「柱男」 AV仁缺德

冇公德心嘅市民乘搭港鐵時，都鍾意挨住甚至攬實車廂內嘅扶手鐵柱，對其他乘客造成不便，因而被嘲為「柱男」同「柱女」。因被揭公然喺立法會會議廳睇美女艷照、而被稱作「AV仁」嘅民主黨立法會議員何俊仁，近日畀人影到做咗「柱男」，仲因為全神貫注玩緊手機，而冇發現自己被人偷拍。唔通佢當時又睇緊AV？

該段短片顯示，AV仁當時與黨友趙家賢一齊乘搭港鐵，兩人手持代表民主黨嘅淺綠色汗衣，估計係啱啱去緊或出席完該黨活動。期間AV仁用左手攬實扶手，聚精會神咁望住部手機。身旁嘅趙家賢就企到筆直咁單手扶條柱，似乎已發現畀人偷拍緊，但又冇提醒AV仁唔好再做「柱男」。

直至後來有一名女乘客落車時輕輕碰到AV仁隻手，佢先至尷尷尬尬咁抬頭望吓發生緊咩事，但亦有網民質疑佢其實係為咗「(目及)女」先至放棄睇手機。

AV仁嘅自私缺德醜行惹來網民圍攻，有人話佢「(目及)女就算啦，咪學蝗蟲霸住條柱吖！」、「條柱佢買咗？」、「話晒係議員，都叫做有頭有面，都咁無公德嘅？」有網民更質疑佢係咪又睇緊AV，因而興奮到忘記咗自己係公眾人物同身處公共交通工具。

卓妮