大圍：商戶紙皮棄街 變垃圾崗
「見啲舖頭執完貨就隨便丟晒啲紙皮出條街度，諗住實有人執咗去賣，係都疊好佢啦，阻住條路，仲搞到其他啲人行過以為垃圾堆又丟埋一份！」何太表示，早前到大圍探訪親友時，途經積富街，看見有附近商舖隨意將紙皮箱棄置於行人路，不滿食環署在上址巡查粗疏，令人有恃無恐。
食物環境衞生署發言人回應，曾經多次派員巡查上址，惟未有發現行人路上有雜物，而街道潔淨情況良好。發言人又稱，會繼續留意上址情況及採取適當行動。
市民促突擊巡查遏止
「嗱！依家有多次巡查，咁啲人見住你（食環署）啲人喺度行嚟行去，知道有人會巡咪唔敢再亂丟垃圾囉！呢啲功夫唔慳得，應該要KEEP（保持）住派人不定期突擊巡查，咁條街就會乾淨晒喇！」何太亦建議食環署應研究於區內進行教育宣傳，以加強市民公民意識。