政情:買錯假古董 吳繼遠當交學費

收藏古董係唔少人嘅嗜好,做過香港博物美術館(香港藝術館前身)副館長嘅吳繼遠,雖然家族經營古董買賣,但咪以為佢天生就特別懂得鑑賞古物。佢自爆年輕時曾經撞過唔少次板,無論陶瓷、銅器或書畫,都試過買到假貨。佢坦言呢個係必經階段,因為就算幾資深嘅收藏家,冇可能熟悉晒所有唔同類型嘅藝術品及古玩,惟有當係交學費長知識。

指政治狀況利港藝術家

除咗古董,佢對藝術品收藏亦好有研究,聽日佢將聯同上海書畫院於香港藝術中心舉辦「情繫雙城」名家書畫展,展出多個新舊畫家及書法家作品。佢話香港有好多年輕藝術家值得被發掘,又指政治狀況有利啟發藝術家創作及抒發己見,不過部分畫家濫用呢個方式圖利或取悅受眾,佢就唔多欣賞喇!

第一手消息請下載on.cc東網iPhone/iPad/Android/Windows Phone Apps