政情：眼醫為武俠小說不自醫

佢其後又專業拆解近視成因，指其中一種係因後天環境同埋一啲用眼嘅壞習慣所致，另一種近視係同遺傳有關。

對於護眼之道，周伯展有秘訣傍身，就係望一樣嘢五至六秒就要眨一下眼，同埋奉行三個「二十」原則，即係望近嘅嘢二十分鐘後，就將視線移開二十秒，再望二十呎外嘅嘢，話時話，如果周伯展細個有咁做，可能依家就唔使戴眼鏡喇。

出力搞晚宴幫基金籌款

講番周伯展任創會會長嘅睛彩慈善基金，原來至今成立咗約一年，直至最近先搞成立典禮暨籌款晚宴，周伯展話，因為想做到啲成績先伸手問人攞錢喎。