政情:中環出更:推銷「新思維」 靠張舊相片

「後政改」嘅政團整合陸續上演,其中民主黨(白鴿黨)兩名前成員狄志遠和黃成智正式宣布籌備成立名為「新思維」嘅新政黨,二人分別出任召集人及副召集人,希望可以用溫和務實態度,走非泛民亦唔係建制嘅第三條道路。佢哋二人為推銷新黨亦去得好盡,不惜大晒三十多年前嘅舊相合照,據知該張合照拍攝於七九年,當時狄黃兩人在信義會芬蘭差會一起做社工。

明年一月初正式成立

據了解,「新思維」目前仍然於籌備委員會階段,於明年一月初正式成立,至今約有廿名成員,包括白鴿黨前總幹事陳家偉、葵青區議會前主席周奕希等數名白鴿黨前成員,而未來會積極考慮派人參選多場選舉。

狄志遠於傳媒茶敍時話,明白建制派會覺得佢哋係泛民,泛民會覺得佢哋係建制,「新思維」會做好建立論述工作;黃成智亦承認佢哋選擇所走嘅路向,有被批評為「兩面不是人」;至於資金來源方面,「新思維」表明唔會同外國政治團體合作,以及接受外國資金捐款,現時已籌得約七十至八十萬元經費,目標係爭取今年籌得三百萬元,至今無迹象顯示款項係由同一個人包辦。

第一手消息請下載on.cc東網iPhone/iPad/Android/Windows Phone Apps