大埔：車輛違泊霸路 阻行人視線
「條街又有咪錶位又有小巴站，啲車都叫夠位行，但係佢哋平排咁泊車，得番半條線畀其他車行就過分咗。」李女士指大埔靖遠街雖為雙線單程行駛，惟經常有車輛違泊，部分更平排停泊，令道路大幅收窄。由於上址設有行人過路處，李擔心車輛會阻礙市民視線，易釀意外，「我自己就會行到路中心伸個頭出去睇，冇車先行，如果有啲老人家唔為意真係好易出事。」
市民促警加強執法
警方發言人表示，已知悉上述情況，過去一年共接獲十八宗相關報告，並向有關違例駕駛者及車輛發出廿四張定額罰款告票。發言人強調，會繼續按情況對違例車輛採取適當執法行動，確保附近一帶道路使用者的安全。
李女士質疑警方執法不力，令問題至今仍未改善，要求警方加強執法，「我成日經過都會見到呢個情況，但警方一年先得嗰廿幾張告票，難怪呢度成日都有違泊啦！」