適逢佔領運動一周年，雙學呢兩日搞咗個流動民主課室，以「公民退修」為主題，邀請咗一班講者做檢討同回顧。尋日就有三場講堂，但出席人數寥寥可數。講堂由下午一點開始，現場冷冷清清，得十幾人參與，最高峰都係大約一百人左右，呢個流動民主課室真係「流流哋」。學聯秘書長羅冠聰死撐話，出席人數唔會係指標，因為唔係想向政府施壓喎！不過話時話，如果搞活動唔使在乎群眾參與情況，不如喺屋企搞喇，使乜大費周章喺公眾地方擺攤子，令人睇見都眼冤。
