積金對沖機制爭議餘波
好似早兩個星期，突然傳出政府打算喺明年嘅施政報告中，提出取消強積金對沖機制，結果即時引起社會極大回響，勞工及福利局局長張建宗出面澄清後，事件暫時被平息。但聽講財經事務及庫務局下半年會向立法會提交修訂條例草案，建議設立「核心基金」，預料屆時勞工界一定以強積金對沖機制「走數」為由大玩拉布，睇嚟局長陳家強呢次應該幾頭痛。
過往一年，唔少決策局局長都紛紛被捲入政治漩渦當中，偏偏陳家強就獨善其身，完全無任何風波。不過，財庫局年底將受到考驗，到時會唔會甩轆，就好睇陳家強同建制派有冇好好溝通喇！