葵涌：昌榮路屢違泊 鮮見執法
「呢條路成日都有車違泊，搞到其他車駛唔到入去，咪塞晒喺度囉，有時仲會阻埋隔籬條行車線，啲車為咗避開佢哋要切線，都幾危險呀！」葵涌居民劉先生表示，昌榮路為區內主要道路，平日車流繁忙，惟上址常有車輛違泊，阻塞行車道路，令車輛無法駛入工業大廈。另外，違泊車輛亦會阻礙和宜合道轉出昌榮路的車輛，導致交通擠塞，惟鮮見警員到場執法，「呢條路雖然劃咗雙黃線，但啲車主都唔理繼續違泊，搞到兩條行車線得番一條。」
年發43告票被批不夠
警方發言人證實，過往一年共接獲十二宗涉及上址汽車阻塞及交通擠塞的報告，期間向違例車輛共發出四十三張定額罰款告票及三十二次口頭警告。發言人表示會繼續密切留意該處的違泊情況及作出適當的執法行為。
「日日都咁多車違泊，成年先得四十幾張告票，證明警方做得唔係太夠啦！警方罰得多啲，啲人（違泊車主）就唔敢啦！」劉要求警方加強巡查及執法，以確保交通暢順。