的士違泊 站頭淪停車場
的士站被違泊的士停泊，淪為免費停車場。陳小姐指粉嶺聯興街近聯和市場的士站平日鮮有市民使用，惟經常有大量的士停泊，部分更泊上行人路，「的士站有的士就好平常，但佢哋又唔係要嚟載客，純粹搵個地方泊車，成半架車剷上行人路，咁同停車場有咩分別？」
警方：已不時派員執法
警方發言人指，已不時派員到上址採取執法行動，而上水分區於過去一年共接獲約十宗相關投訴，並向違例的士及其他車輛發出約六十張定額罰款告票。
「始終的士站唔係話你係的士就點停都得，佢係畀人等的士唔係畀人停車。」陳小姐直言日前經過上址發現違泊情況仍無改善，要求警方加強執法，並建議當局將上址改為咪錶位，「如果個的士站冇乜人用，咁不如改做咪錶位畀人名正言順泊車好過。」