政情：發叔告別區會請病假唔使等埋
「發叔呢？仲未見人嘅！」今日出席今屆屯門區議會最後一次大會的各位區議員、警務處處長盧偉聰等官員，唔使再「等埋發叔」喇！事關貴為屯門區議會主席的劉皇發非常有交帶，已去信副主席及一眾議員，指自己身體抱恙，要聽醫生吩咐靜養，未能出席主持會議。原本今日好可能係發叔告別區議會前最後一次主持會議，所以發叔在信中除了為「請假」致歉外，亦感激各位多年來支持和信賴；可能大家以後要喺鄉議局新春酒會先可以同發叔再聚首喇。
任主席三十多年 「衷心銘感」
今屆屯門區議會最後一次大會在今早九點半舉行，根據議程，盧偉聰及規劃署署長凌嘉勤都會出席，但他們「吸睛」度一定不夠擔任了屯門區議會主席三十幾年的發叔，事關一般相信發叔不會再擔任下屆區議員，作為告別會議，勢成超級主角，必定影番張大合照。可惜，大家要失望喇，發叔在請假信中稱，因要遵醫生吩咐靜養治療以致未能出席會議，實事出無奈，並指今屆區議會有好成績，全因各位齊心協力，對大家多年支持和信賴有加，並「衷心銘感！」