鰂魚涌：廢建材棄英皇道阻交通

「呢度係港島最主要嘅幹道，唔係咩橫街窄巷，由朝到晚都係好多車經過，但係啲人竟然夠膽喺度拋啲泥頭！」鰂魚涌居民李先生日前行經英皇道，發現行車線上堆積建築廢料，阻塞交通之餘，亦有損市容，「遊客見到啲咁嘅情況，分分鐘覺得香港係個無王管嘅地方！」

環境保護署發言人證實，接獲轉介後翌日曾作巡查，發現涉事路段馬路兩側有人非法棄置建築廢料，但期間並無發現涉案人士，已隨即知會路政署派員清理，其後再到現場跟進時，相關清理工作亦已告完成。

李先生認為環保署執法欠缺成效，促請早日檢討監管措施，以免相關問題蔓延，「投訴完先落去睇，唔通個人會企喺度一日等你拉咩？環保署係咪要好好諗吓點事前做好預防！」