根據建制派早前嘅計劃，下屆立法會財務委員會主席之位，唔會畀自由黨張宇人（Tommy）連任，但同時Tommy亦多次公開表明自己唔想做，諗住好落台。點知近日佢突然開聲話要同梁君彥爭做內務委會員主席，令建制派都非常錯愕，覺得佢係為咗冇得做財委會主席而報復。到尋日Tommy又再發炮，竟然暗批建制派「一堆人霸晒」所有委員會主席位，唔通佢忘記自己一直是建制派一員？
Tommy話，就算七十名議員有不同政見都可以各司其職，強調「一堆人霸晒」所有委員會主席位，咁樣做對大家冇好處，市民都唔覺得係好事，如果唔學識妥協，議會好難有效率。
Tommy提到各司其職都係好事，但奇怪點解過去一直唔覺佢有咁講嘅？今次為咗爭做內會主席搞到要掉轉槍頭指住建制派，仲話要爭取泛民主派支持，唔知仲以為佢係泛民主派一份子添！