屢畀人鬧法團主席超慘
【本報訊】秀怡閣慘被屋宇署亂釘契，大廈業主飽受困擾近兩年，法團主席鍾文正更成為業主的出氣袋，試過有業主賣唔到樓，半夜瞓唔着，走嚟拍我門，又試過喺街度畀業主指住鼻係咁鬧！其實我都係受害人，點解要受呢啲苦？屋宇署唔係一句道歉就得！」他表示，家人曾勸解他不要再擔任法團主席，無謂再沾渾水，「做唔做法團主席無所謂，但一定搞番掂件事，要還我清白！」
部分業主失眠 寢食難安
屋宇署一二年釘錯契後，秀怡閣業主全部受影響，物業難以出售，鍾文正指當年所有業主議論紛紛，質疑法團「點做嘢」，他曾向業主多番解釋但全無作用，業主擔心樓價受拖累之餘，又因物業難以出售而十分苦惱，部分業主更因此失眠，寢食難安。他表示，不少業主將法團成員視作出氣袋，他曾多次被業主當街指罵，「啲人唔知發生乜事，仲以為我做咗乜嘢錯事搞到畀人鬧！其實我自己都晚晚瞓唔着，好無陰功。」他表示，現時事件雖已暫告一段落，但與其他業主的關係始終無法修補，「大家心中有條刺喺度！」
他說屋宇署有必要檢討查核僭建物業主機制，「如果唔係都唔知仲有幾多個秀怡閣出現，我唔想再有業主受呢啲苦！」