退出公民黨後成立「民主思路」嘅立法會議員湯家驊，尋日喺電台自認失敗，話佢原本想喺泛民與建制之外走「第三條路」，但依家反而畀其他泛民質疑佢「投共」或「建制派Ｂ隊」，甚至連泛民議員開「飯盒會」都一度唔畀佢參與，自言要搵過個有公信力嘅人接手「民主思路」嘅工作，變相承認自己冇晒公信力。其實湯家驊點止政治立場曖昧咁簡單，仲有多次漏報利益、寓所違法僭建、屢次記錯法律，連遞辭職信都「甩轆」等前科，公信力早已蕩然無存，搞乜都係嘥氣！
