國家主席習近平今個星期四、五將出訪美國，進行佢上任後首次對美嘅國是訪問，預料期間將同美國總統奧巴馬會面。不過另一邊廂，有「李漢奸」之稱嘅民主黨（白鴿黨）創黨主席李柱銘與學民思潮召集人黃之鋒，咁啱今個星期四喺美國有活動，唔通佢哋去唔到北京狙擊國家領導人，就轉戰去美國？
佔領運動一周年前夕，繼壹傳媒集團前主席黎智英早排去完美國返港，隨即密會李漢奸等白鴿黨老鴿之後，李漢奸同埋黃之鋒亦都將會喺今個星期四飛去美國華盛頓，有傳港大法律學院副教授兼佔中發起人戴耀廷都會去，出席美國人權組織Freedom House舉辦嘅有關香港佔領運動及民主發展嘅研討會，估計星期五仍然喺美國。期間咁啱習近平亦都喺美國進行國是訪問，預料星期四會到達華盛頓，翌日就會同奧巴馬會面，屆時奧巴會將會喺白宮（White House）主持儀式歡迎習近平。
中美國家領導人就喺White House會面，李漢奸同黃之鋒就喺Freedom House開研討會「唱衰香港」，擺明打對枱。講到底，到時真係有人理李漢奸台戲先算啦！
卓妮