「成個人好似hang咗機（當機）咁，轉唔到彎，腦海一片空白……」現年廿六歲的腦癇症患者杰偉於小四確診，有一次考試時發病，只能坐在考場內發呆。兒科醫生指出，兒童腦癇症並不罕見，由於不正常的腦電波影響腦部發展，患者除了間歇性抽搐外，智能及語言能力發展均可能遲緩，甚至有情緒問題。約三成患者更出現抗藥性，需以外科手術切除腦部病組織，根治率達六至七成。

杰偉憶述小三時首次發病：「食食吓飯突然跌咗個碗，跟住就唔郁得，好似發呆咁。」由於病徵不明顯，半年後才確診，後來服藥也無法控制病情，最嚴重曾一天病發三至四次，生活大受影響：「唔知自己做緊乜，手舞足蹈、流口水都唔知；游水踩單車一定要人陪；每次病發之後覺得好攰、想瞓覺，需要好多時間休息。」約十年前他接受手術切除腦部病組織，才重獲新生。

屯門醫院兒童及青少年科副顧問醫生翟偉光說，腦癇症屬於兒童常見腦科疾病，不正常的腦電波導致大腦功能重複或瞬間出現功能障礙，患者病發時身體不能自控、意識模糊、出現幻覺，甚至全身抽搐。病因包括遺傳及腦部結構性病變，如創傷、腫瘤或腦炎等，對兒童影響尤其大，「好似打風咁破壞正常發展」。患者的智力體能、專注力及語言能力等均受影響，嚴重更會引致情緒病和行為問題。

翟指全港約七千名兒童患腦癇症，約三成出現抗藥性，「基本上試過兩、三種藥後，病情仲唔受控，每個月發作一次，就算再試多幾種，成效只會愈嚟愈低。」醫生會先安排患者接受腦電圖錄影找出腦癇源頭，再利用正子電腦斷層造影找出病灶範圍，確定是否適合做手術，「以局部性顳葉腦癇為例，患者腦部顳葉海馬體硬化變細，可做手術將有問題部分攞走。」他續指顳葉手術成功率達八成，但一些較難處理的位置，如額葉、枕葉及頂葉等則約五成。患新陳代謝性腦病或退化性腦病人士不宜接受手術。

杰偉慶幸自己及早接受手術，術後配合藥物治療，他再沒發作，逐漸降低劑量，兩年前起更完全停藥。「已經當自己冇病，唔再諗得個病太重，亦唔會唔開心。」他更成為「背包客」，遊走雲南、西藏及尼泊爾等地，「以前從來冇諗過可以做得到。」