深水埗：元州邨休憩帶淪煙竇賭檔
「每日下晝、夜晚同凌晨我哋樓下就好嘈，成日都有一班人聚埋一齊，又食煙又丟垃圾，唔知係咪仲有賭錢！最離譜我見過有人喺花圃度小便，搞到啲地方烏煙瘴氣，又嘈到我哋冇覺好瞓！」深水埗元州邨居民梁先生指，元慧樓對出休憩地帶常有人聚集及吸煙，懷疑有關人士進行違例賭博行為。
辦事處：會加強巡邏
元州邨物業服務辦事處發言人表示，過去一年曾接獲兩宗有關居民於上址吸煙的投訴，並向兩個住戶扣五分。發言人指，該處保安員日常巡邏時如發現有居民吸煙，會即時作出勸喻；如有居民聚賭則會報警處理，而該處除會加強巡邏，亦會於上址張貼通告，提醒居民禁止吸煙及賭博。
「明明呢度係屋邨範圍，但就搞到好似私人賭場咁，令其他人住都住得唔安樂！」梁希望房署能嚴厲執法，打擊上址違例行為。