探射燈：衞生惡劣 亂繁殖易生瘋狗

去年八鄉有村屋租戶在屋內飼養三十六頭名種狗，據悉起初只飼養兩隻狗，但狗隻不斷生育繁殖，導致屋內有大批狗隻，部分困在籠內，現場衞生環境惡劣，滿布狗糞，而當中更有狗隻脫水、患皮膚病及受傷。

困「集中營」 影響犬隻身心

群峰犬隻訓練中心負責人劉先生表示，現時不少狗場私下為狗隻進行配種極為不人道，「佢哋只為賺錢，就整到好似係集中營一格一格咁困住啲狗，一直係咁生仔！」劉坦言會對狗隻身心深受影響，「因為啲人唔識照顧，令狗隻好容易有病，好似狗瘟、腸炎，死亡率仲好高，好易傳染畀其他狗隻。」

劉又指部分狗場配種系統混亂，「佢哋會進行近親交配，哥配妹、媽配仔咁，完全唔理後果！」近親繁殖會導致狗隻基因排斥，令性格出現問題，「佢哋大個咗會變得好緊張、神經質，甚至完全控制唔到自己嘅行為。」