Party Life：樂韻優章

音樂唔一定喺演奏廳表演，只要樂器在手，邊度都可以係舞台。由著名英國藝術家Luke Jerram發起嘅國際著名街頭鋼琴活動「Play Me, I'm Yours」日前登陸香港，由依家至十二月於灣仔、深水埗、佐敦等多個不同公園、街市等角落擺放十六部設計獨特嘅鋼琴，畀廣大市民分享音樂樂趣。

另一邊廂，香港工業總會旗下香港優質標誌局發出嘅Q嘜認證深入民心，早前一眾業界翹楚齊集灣仔會展，歡賀Q嘜邁向三十七周年，為香港金漆品牌譜寫新篇章。

著名時裝設計師鄧達智（左）及「住好啲」創辦人楊志超有份設計今次擺放於街頭嘅鋼琴。	大律師公會主席譚允芝（右）彈得一手好鋼琴，身旁嘅女兒莫曉霖則情迷小提琴。	藝術家兼鋼琴家羅乃新（左）首次以街坊裝於街市演奏鋼琴，獲好友音樂創作人龔志成捧場。
Luke Jerram話鋼琴音樂與油麻地街市嘅肉類氣味及熾熱氣溫形成獨特嘅體驗。	Q嘜周年宴香港工業總會主席鄭文聰（左）及香港優質標誌局主席丁煒章攜手打造香港優質品牌。（徐家浩攝）	仁濟醫院前主席蘇陳偉香（右三）及丈夫蘇啟聲（左三）創辦嘅紙尿片品牌獲頒Q嘜認證，其兒子蘇凱榮夫婦（左二及一）及女兒蘇凱欣夫婦（右二及一）都去見證開心時刻。
香港工業總會候任總裁何健華（左起）、副主席葉中賢、名譽會長劉展灝及青委主席劉燊濤約定明年一齊參加馬拉松比賽。