政情：今日你上鏡：客串迎新 沈祖堯興奮

踏入九月，好多大學都搞緊迎新活動，中文大學校長沈祖堯都玩埋一份，一連參加咗晨興書院及崇基學院嘅迎新營。佢喺晨興書院新生輔導營活動中，客串問答遊戲嘅主持，考吓新生同中大嘅認識，唔知佢有冇被學生考番轉頭呢？至於崇基新生輔導營嘅晚會，當晚有近三百人參加，沈祖堯除咗睇學生演出兩齣話劇外，仲有份上台表演，睇到台上同佢拍檔演出嘅學生表情，就知佢哋有幾興奮喇！