本月底係佔領行動一周年，「雙學」及佔中發起人陳健民竟然齊齊認衰！有團體尋日舉行研討會，陳健民、學聯前任秘書長周永康及學民思潮召集人黃之鋒異口同聲承認，佔領行動未能令中央撤回「八三一」決定，亦無為香港人爭取到真普選，直認無功而還。陳健民更自爆，一場佔領行動令溫和泛民主派嘅支持者倒戈，或會影響泛民喺區議會同立法會選舉嘅得票。三人之前大大聲，依家忽然認衰認低威，莫非係因為將被檢控或審判，想懺悔博同情？
