踏入九月，馬季開鑼進入倒數，早前練馬師沈集成為旗下馬房舉行拜神儀式，唔少名人馬主都親自入馬場一趟，包括生產力促進局主席劉展灝、大仔劉燊濤及細仔劉燊霆三仔爺。劉展灝平時忙到飛起，但都抽空入去探吓愛駒「彪型勁漢」，仲餵佢食草，認真有愛心。不過，養仔仲艱難，劉燊濤就將愛心奉獻畀半歲兒子，無論沖涼、換片或餵奶，樣樣做到足，好彩囝囝已經戒咗夜奶，難怪佢笑言最辛苦時間已經過咗喇！
