政情：田二少乖孫勇坐鱷魚背
新民黨立法會議員田北辰（田二少）最近生日踏入六十五歲，帶埋兩個滿一歲嘅外孫一齊去澳洲慶祝生日，期間佢孫仔人仔細細，竟然夠膽坐喺鱷魚背，兩隻手仔仲幫佢搲背脊添，難怪田二少大讚孫仔夠膽識，「虎公無犬孫」咁話！
同袋鼠反而保持距離
田二少最近同兩個外孫一齊去澳洲探吓鱷魚同袋鼠，並於社交網站上載多張相片同大家分享，佢話「逢五逢十」係大壽，連同兩個外孫壽星首次一齊慶祝生日，因此要「搞搞新意思」，形容此行係「小生」同兩外孫去旅行，而相對於同鱷魚零距離接觸，據田二少上載嘅相片所見，佢同孫仔對住袋鼠時，似乎停留喺離遠望吓嘅安全距離。
田二少其後又話，其實生日喺邊度、做啲乜都唔重要，最重要係一家人齊齊整整，咁先係最大嘅滿足。