前政府規劃師最近向城規會申請取消電車行走中環至金鐘一段，引起社會激辯。繼自由黨榮譽主席田北俊（田少）於社交網站Facebook發貼撐電車，聲稱以前由金鐘返去位於中環的舊立法會大樓「十次有九次都係搭叮叮」，工聯會理事長吳秋北前日亦於社交網站，上載一張自己搭電車相片力撐保留電車，並意有所指「哪是貴公子偶爾紆尊降貴能體會、能理解、能保得住」，明顯寸爆田少嘅搭電車論。
「雙北」吳秋北同田少突然就撐電車展開隔空舌戰，可能同明年立法會港島區地方直選鋪路。據知港島區明年很大機會由七席，減少一席至只有六席，建制派於議席僧多粥少下繼續卡位戰，其中自由黨於二○一二年港島區直選空手而回，有傳該黨有意空降田少到港島區參選收復失地，其原本新界東議席就讓路予該黨主席、紡織及製衣界議員鍾國斌接棒。
工聯會則於二○一二年破天荒於港島區首次取得議席突破，面對港島區可能由「七變六」，吳秋北等工聯會中人都不敢怠慢，透過撐電車明示暗示仍對港島區議席志在必得，似乎「雙北」嘅隔空舌戰只係開始，未來將會好戲連場。
卓妮