政情:今日你上鏡:周國豐夫婦為大仔撲名校

又到城中父母為子女四圍撲名校嘅時候,尋日直資名校拔萃男書院附屬小學舉行兩場家長簡介會,打算招收一百五十名小一新生,明年九月入學,吸引近千家長去聽講座。社交名人周國豐(右)與太太黃泳霖(Jenny)(左)亦親自出動,為今年五歲嘅大仔搵心水名校。Jenny話,會幫囝囝報讀幾間直資小學,但亦唔希望阿仔壓力太大。問及佢欣賞男拔附屬小學啲乜嘢,佢就話唔講咁多喇,跟住就急急腳入場,唔通驚遲入場失印象分?