房署冷氣排熱 居民如陷蒸籠
官民冷熱不同世界，房署被轟不體恤民情！有華富邨居民不滿屋邨辦事處冷氣機排放熱氣，直攻居所，身處家中猶如置身「蒸籠」，房署雖曾採取改善措施，惟未能有效降溫，更被指「報細」投訴數字以圖淡化事件。區議員直指房署未有應用以往處理同類型事件的經驗，連累居民生活質素下降。
補鑊裝簷篷 仍難擋熱氣
「樓下個辦公室前後兩邊都有裝冷氣，啲廢氣日日攻上嚟，搞到成層樓好似蒸籠咁，想喺屋企休息都唔得，寧願落街算。」文小姐居於華富（一）邨華明樓，指房署於早年將大廈底部闢作辦事處，辦公時間內冷氣機及散熱器多年來不斷排出熱氣，令一眾低層住戶苦不堪言。文又擔憂高溫有損健康及加重經濟負擔，「呢度住嘅好多都係退休長者，唔通日日同佢鬥開冷氣？之前老公熱到心臟唔舒服，救護員上到嚟都問點解咁熱。」而記者量溫度發現，文小姐住所露台一度錄得逾三十三度，較室外還高約零點五度。
房屋署發言人證實，於○九年接獲有關投訴後已加裝簷篷，於一一年九月底進行全面改善工程時，冷氣機總數亦由三十部減至十九部，並改變四部分體式冷氣機室外機位置以減少熱氣排放，於一四年時曾進行測量，比較陽光照射下周邊環境溫度、辦事處門外簷篷溫度及涉事單位溫度，發現結果並無異樣。
發言人補充，於過去兩年曾接獲一名住戶投訴，而辦事處在夏天的室溫則設定在二十五點五度，並強調冷氣機並不一定同時間全部開動。
幾十人聯署 當一宗投訴
文小姐反駁指有關改善措施未能降溫之餘，更造成衞生問題，「依家都仲有成廿部冷氣機咁多，一樣係佢哋涼冷氣，我哋捱熱氣。同埋個簷篷好窄，擋唔到熱氣，反而變咗積水養蚊同積垃圾。」文又指投訴時同時遞交鄰居聯署信，並不能視為「只有一名住戶投訴」，「份表格有齊地址、姓名、電話同簽名，兩層樓都有幾十人簽，點解講到淨係得我投訴咁？」
「房署作為大業主，係有責任保證租戶過得安居樂業，同埋有咁多街坊反映，證明唔係一朝一夕、一戶半戶受影響！」南區區議員柴文瀚指，○八年時房署曾在屋邨內另一大廈地下覓址作辦公室，當時居民亦有同樣擔心，經多番商討後終得出雙方滿意方案，惟該署其後卻未有應用有關經驗，「三年後華明樓再做改善工程嗰陣，反而同居民冇乜溝通，搞到冇咗個大好機會去解決問題，令人感覺房署都唔係經一事、長一智。」
記者︰呂耀焜