有外國媒體公布最新嘅全球宜居城市排名，香港排名大幅「插水」十五級，跌至在全球僅排名第四十六位。有關研究直指，同去年嘅佔領行動及政治動盪有關，令人對社會穩定性感到憂慮。佔領行動歷時七十九日，對各行各業及市民生活造成極大影響，始作俑者就係「佔領中環」發起人戴耀廷，雖然佢喺年初接受警方「預約拘捕」，但至今仍未被警方正式落案起訴，喺未接受法律制裁前，佔中嘅後遺症已逐步浮現。唔知市民會唔會覺得，與其香港唔適宜居住，不如戴耀廷自己離開香港？
