徐濠縈聯繫受傷髮型師
「阿Ben凌晨做咗手術，攞咗碎片，身體冇咩大礙，但心理上一定好難過……事發嗰陣Ben同女友一行人咁啱就拜緊佛，爆炸後佢有打畀我，但當時我聽唔到，又冇睇新聞，因為佢傷勢唔太嚴重，轉去第二間醫院先同我聯絡上。」
徐濠縈御用髮型師Ben Lee於爆炸中受傷，阿徐已和Ben取得聯絡，「已通知Eric Kwok等相熟朋友，會一路開住電話，睇吓有咩幫到手，她知有義工趕咗過去，她們都有泰國朋友去幫手，始終識泰文溝通好啲。Ben女友傷勢輕微，但情緒好激動。」阿徐透露Ben女友的家人已起程往當地，相信Ben會幫手處理後事，料數日後始會回港。另她原定九月在泰國有個工作，但現在相信會推卻。