被讚有「運動員脈搏」
葉太話自己一直注重運動及均衡飲食，更有一份自製高纖早餐餐單，包括將雜莓高纖麥片加入高鈣脫脂奶中，外加一個鮮橙，間中來一杯港式咖啡，可謂百吃不厭。
講講吓，葉太自爆晚晚食一粒極低劑量嘅阿士匹靈，事關佢睇過相關醫學報告，若持續服用阿士匹靈十年以上，有四成機會預防直腸癌，而佢已維持此習慣近廿年。葉太聲稱或者日子有功，最近佢嘅體檢結果好驚喜，連護士都讚佢「擁有運動員的脈搏」喎！
不過亦有網友留言，擔心葉太長期食阿士匹靈傷身體，建議試食中藥及玩健身。
其實本港醫學界已經多次提醒市民，不當服用阿士匹靈會引致腸胃不適甚至胃潰瘍等副作用，唔建議市民自行購買服用。