元朗：日新街違泊嚴重礙交通
「條路兩邊都係單黃線，但兩邊成日都好多車違泊，搞到啲車轉彎入嚟都有難度！」黃小姐指出，元朗日新街左右兩旁已劃為單黃線限時禁區，惟違泊情況依然嚴重，令道路常由「三條線」變為「一條線」，阻礙車輛轉彎及前進。
警年發逾360張告票
警方發言人表示，根據紀錄，去年七月至今年六月，警方曾接獲二十五宗涉及上址的汽車阻塞及違泊投訴，並發出超過三百六十張定額罰款告票，警方會繼續密切監察上址情況及適時執法，以確保道路暢順。
不過，黃小姐指問題仍未獲改善，「仲係好嚴重，條路唔知幾時先可以清晒、乾乾淨淨咁畀番我哋啲居民行？依家揸車都仲係好唔方便，一去到嗰度就要慢駛，幾乎次次都塞車。」黃小姐要求警方加強執法，杜絕違泊情況。