政情：公民講場：學生「驕橫」衝擊 怪獸家長產物

香港大學副校長任命風波引致學生衝擊港大校務委員會會議及禁錮校委事件，太太係校委嘅香港中文大學前校長劉遵義日前已經批評有份衝擊嘅學生係「被寵壞的小混蛋」，而香港科技大學經濟發展研究中心主任雷鼎鳴尋日亦忍唔住發聲，批評學生嘅行為與「勇氣」無任何關係，只係「怪獸家長」孕育出嘅驕橫咁話。佢仲鬧爆質疑喺衝擊當日倒地嘅校委盧寵茂係插水嗰啲學生係走火入魔，而且仲好似「癌細胞正在擴散」咁，告誡年輕人如果繼續醉心不可能有成果嘅政治活動係浪費精力，正面貢獻唔會出現，社會往往就會遭到嚴重嘅破壞。